Almaty oblysynda jazǵy dóńgelekpen júrgen júrgizýshi ıen dalada qar qursaýynda qaldy
TALDYQORǴAN. QazAqparat - Almaty oblysyndaǵy Balqash aýdanynyń tártip saqshylary qar qursaýynda qalǵan kólikti shyǵaryp, turǵyndarǵa kómek qolyn sozdy, - dep habarlaıdy QazAqparat tilshisi.
«Topar aýylynyń ýchaskelik polıtsııa ınspektory Serik Baıbosynov pen Topar aýylynyń ýchaskelik polıtsııa ınspektory Baýyrjan Amangeldi «Mal urlyǵy» jedel aldyn alý is-sharasy barysynda shalǵaı ornalasqan qystaqtardy aralaý kezinde jańa jaýǵan qarǵa batyp, júre almaı qalǵan FORD kóligin alystan baıqap qalǵan. Jaqyn kelgende kólikte júrgizýshi men egde jastaǵy qart ananyń bar ekeni anyqtaldy. Sol jerde turǵyndarǵa kómek kórsetildi»,- dedi Balqash aýdany PB bastyǵynyń orynbasary polıtsııa podpolkovnıgi Nurgeldi Abırov.
Óz kezeginde kúrti qardy kúreı almaı, jol azabyn shekken jolaýshylar kómek kórsetken polıtseılerge sheksiz alǵysyn bildirdi.
Júrgizýshi endi kóligin qysqy mezgilge muqııat daıyndaıtynyn aıtty.
Balqash aýdanynyń tártip saqshylary áleýmettik jeli arqyly aýdan turǵyndary men qonaqtaryn kólikterine qysqy dóńgelek salyp, tehnıkalyq tekserýden ótkizýge shaqyrdy. Óıtkeni, qysqy joldaǵy bolmashy ǵana qatelik orny tolmas qasiretke ákelýi múmkin ekenin eskertedi.
