Almaty oblysynda jazasyn bostandyqta ótep júrgen 48 adam túrmege qamalmaq
TALDYQORǴAN. QazAqparat - Almaty oblysynda jazasyn shartty túrde ótep, probatsııalyq baqylaýda júrgenderge tekseris ótkizildi. Nátıjesinde 48 adamnyń isi sotqa qaıta joldandy, dep habarlaıdy QazAqparat tilshisi.
«Jedel-aldyn alý is-sharasynyń qorytyndysy boıynsha oblysta sottalǵandar tarapynan 32 buzýshylyq anyqtaldy. 48 adamǵa qatysty aýdandyq sottarǵa bas bostandyǵyn shekteý jazalaryn bas bostandyǵynan aıyrýǵa aýystyrý týraly materıaldar joldandy. Sondaı-aq, jumyldyrylǵan qyzmetkerlerdiń kúshimen izdeýde júrgen 7 sottalǵan adamnyń ornalasqan jeri anyqtaldy. Qazirgi ýaqytta olar tergeý ızolıatoryna qamalyp, sot protsesin kútýde», - dedi Almaty oblysy boıynsha Qylmystyq-atqarý júıesi departamenti bastyǵynyń mindetin atqarýshy Qanat Ashov.
Vedomstvonyń aqparatyna sáıkes, Almaty oblysy boıynsha Qylmystyq-atqarý júıesi departamentinde 21-27 maýsym aralyǵynda «Shartty túrde sottalǵandar» jedel aldyn alý is-sharasy ótken.
«Shara probatsııa qyzmetkeriniń esebinde turǵan sottalǵandar tarapynan jasalatyn quqyq buzýshylyqtyń jáne qylmystyń qaıtalanýynyń aldyn alý. Sondaı-aq izdeý jarııalanǵandardyń turǵylyqty jerin anyqtaý maqsatynda uıymdastyrylǵan.
Jalpy osy is barysynda oblys boıynsha 78 probatsııa qyzmetkeri, 48 jergilikti ýchaskelik polıtsııa ınspektorlary jumys istedi», - dep tolyqtyrdy atalǵan vedomstvonyń baspasóz qyzmetinen.
