Almaty oblysynda jaıaý júrginshini kólikpen qaǵyp, qashyp ketken júrgizýshi ustaldy
TALDYQORǴAN. QazAqparat - Almaty oblysynda bir táýlik ishinde polıtseıler jaıaý júrginshini qaǵyp, oqıǵa ornynan izin sýytqan júrgizýshini ustady, - dep habarlaıdy QazAqparat tilshisi.
Qarasaı aýdandyq polıtsııasynyń kezekshi bólimine Eltaı aýylynan 19 saǵat 30 mınýt shamasynda anyqtalmaǵan kólik quralynyń jol-kólik oqıǵasyn jasap, sol jerden boı tasalaǵany týraly habar tústi. Jábirlenýshi er adam es-tússiz kúıde aýrýhanaǵa jetkizildi. Eki kúnnen keıin jábirlenýshi alǵan jaraqatynan qaıtys boldy. Atalǵan fakt QR QK 345-baby 2-bóligi, 347-baby boıynsha SDTBT-de tirkeldi.
Almaty oblystyq Polıtsııa departamentiniń jedel-izdestirý is-sharalarynyń nátıjesinde bir táýlik ishinde Qarasaı aýdanynyń 31 jastaǵy turǵyny kúdikti retinde anyqtalyp, ustaldy. Onyń úıiniń aýlasynan tártip saqshylary «Nıssan Largo» avtokóligin tapty. Barlyq dáleldermen áshkerelengen kúdikti kinásin moıyndady. Atalǵan fakti boıynsha sotqa deıingi tergeý júrgizilýde.
