Almaty oblysynda jaıaý júrginshini kóligimen qaǵyp, qashyp ketken júrgizýshi ustaldy
TALDYQORǴAN. QazAqparat – Іle aýdanynyń Boraldaı aýylynda jaıaý júrginshini qaǵyp, qashyp ketken júrgizýshini polıtsııa bir jarym táýlik ishinde taýyp, ustady. Júrginshi jedel járdem kelgenshe sol jerde kóz jumǵan, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Іle aýdanynda Polıtsııa basqarmasynyń kezekshi bólimine túnde saǵat 00:30-de Boraldaı aýylynan habarlama túsedi. Kóliktiń jaıaý júrginshini qaǵyp ketkeni jáne onyń jedel járdem jetkenge deıin sol jerde qaıtys bolǵany habarlanǵan. Marqumnyń 52 jastaǵy jergilikti turǵyn ekeni anyqtaldy. Belgisiz avtokólik oqıǵa orynan qashyp ketken, al jol apatyn eshkim kórmegen bolyp shyqty.
«Oqıǵa ornyn muqııat qaraý barysynda tártip saqshylary kóliktiń aldyńǵy shamynyń synyǵy men boıaýdyń belgilerin tapqan. Sol bólshekterdiń arqasynda jol apatyn jasaǵan kóliktiń túr-túsin anyqtaýǵa múmkin týdy. Ol jasyl tústi «Toyota Rav 4» kóligi bolyp shyqty. Jedel izdestirý jumysy uıymdastyryldy. Bir jarym táýlik ishinde kólik apatyna qatysy bar avtokólike tabylyp, 35 jastaǵy Almaty qalasynyń turǵyny ustaldy. Kólik arnaıy turaqqa qoıyldy», - dedi Almaty oblysy PD Jergilikti polıtsııa basqarmasy izdeý tobynyń aǵa ınspektory Erlan Káribaev.
