Almaty oblysynda jaıaý júrginshini qaǵyp, qashyp ketken júrgizýshi ustaldy
TALDYQORǴAN. QazAqparat - Almaty oblysynda jaıaý júrginshini qaǵyp, qashyp ketken avtokólik júrgizýshisi ustaldy. Jol talǵamaıtyn kóliktiń ıesi 46 jastaǵy Uzynaǵash aýylynyń turǵynyn kólikpen qaǵyp, birden oqıǵa ornynan taıyp turǵan.
Jergilikti polıtsııa ókilderi atalǵan azamatty bir aptaǵa jýyq izdeýden soń ǵana tapty. Oqıǵa qazannyń 8-nen 9-na qaraǵan túni bolǵan. Jaıaý júrginshini kólikpen qaqqan adam, zardap shegýshiniń tiri ekenin kórip, alǵashqy medıtsınalyq kómek kórsetpesten oqıǵa ornynnan izin sýytqan. Alaıda kólikten qalǵan aıǵaq zattar avtokóliktiń markasyn tabýǵa óz septigin tıgizdi. Ashyq tústi Leksýs RX-330 markaly kóliktiń ıesi 43 jastaǵy azamat bolyp shyqty.
Qazir atalǵan fakti boıynsha qylmystyq is qozǵalyp, tergeý jumystary bastalyp ketti. Al zardap shegýshi jergilikti aýrýhanaǵa jetkizildi.
Polıtsııa ókilderiniń málimetinshe atalǵan fakti boıynsha protsessýaldyq sheshim qabyldanǵanda barlyq jaıttar, onyń ishinde kólikpen qaqqan azamattyń birden oqıǵa ornynan qashyp ketken áreketi eskeriletin bolady, deıdi.
