Almaty oblysynda jasyryn ǵalamtor-oıynhana anyqtaldy
TALDYQORǴAN. QazAqparat - Tártip saqshylarynyń kezekti reıdtik sharalary kezinde Qarasaı aýdanynda jasyryn oıynhana anyqtaldy, dep habarlaıdy QazAqaparat tilshisi Almaty oblystyq ІІD baspasóz qyzmetine silteme jasap.
Qazaqstandyq ǵalamtor keńistiginde jumys istegen oıynhanany ІІD uıymdasqan qylmyspen kúres basqarmasy men ekonomıkalyq tergeý qyzmetiniń mamandary Shamalǵan stantsııasynda tapty.
Zańsyz oıyn bıznesin Almaty qalasynyń 29 jastaǵy turǵyny uıymdastyrǵan. Ol óziniń oıynhanasyn kádimgi oıyn zaly retinde ashqan. Alaıda ol jerde qarjylaı bás tigý jáne marapattaý sııaqty aqsha aınalymy júrgizilip otyrǵan.
Kúdiktige qarsy QR QK 307-baby boıynsha («Zańsyz oıyn bıznesin uıymdastyrý») qylmystyq is qozǵalyp, tergeý amaldary júrgizile bastady. Kúdiktiden eshqaıda shyqpaý týraly qolhat alyndy. Qylmystyq is boıynsha barlyq materıal aldaǵy ýaqytta Almaty oblystyq MKD Ekonomıkalyq qylmystardy tergeý qyzmetine tapsyrylady.
