Almaty oblysynda jasóspirimdi pyshaqtap óltirip ketti
TALDYQORǴAN.QazAqparat - Almaty oblysynda 17 jastaǵy jasóspirim pyshaq jaraqatynan kóz jumdy. Oqıǵa Qarasaı aýdanynda bolǵan, dep habarlaıdy QazAqparat tilshisi.
Kisi ólimine soqtyrǵan oqıǵa 20 qańtar kúni tirkelgen. Qazir kúdikti retinde qaıtys bolǵan balanyń tanysy qamaýǵa alyndy. Atalǵan faktini oblystyq Polıtsııa departamentiniń baspasóz qyzmeti rastady.
«Oqıǵany rastaımyz. Qazir osy faktige oraı QR QK 99-babyna sáıkes sotqa deıingi tergeý júrip jatyr», - dep málimdedi atalǵan vedomstva qyzmetinen.
Aıta ketý kerek, ustalǵan kúdikti 2000 jyly týǵan. Oqıǵanyń mán-jaıy tergelip jatyr.
