Almaty oblysynda jasóspirimder úsh kúnde 597 márte zań buzǵan
TALDYQORǴAN. QazAqparat - Almaty oblysynda úsh kúnde jasóspirimderdiń 600-ge jýyq zań buzý faktileri tirkeldi. Óńirde 13-15 aqpan aralyǵynda «Jasóspirim» jedel aldyn-alý sharasy uıymdastyryldy, dep habarlaıdy QazAqparat tilshisi.
Tártip saqshylary kámelet jasyna tolmaǵandardyń 579 ákimshilik zań buzý faktisin anyqtady. 13 jaǵdaıda alkogoldi ishimdik ishken. Jergilikti polıtsııa bólimderine 500-ge jýyq jasóspirim jetkizildi. Onyń 400-i túngi ýaqytta ata-ana qaraýynsyz kóshe kezip júrgen.
Almaty oblystyq polıtsııa departamenti baspasóz qyzmetiniń málimetinshe, jedel aldyn alý sharalary barysynda tártip saqshylary 900-ge jýyq oıyn-saýyq oryndaryn aralap shyqqan. Osy kezeńde buzaqylyq deregi boıynsha 3 fakti tirkelgen.
5 jasóspirim beıimdeý ortalyqtaryna jiberildi.
