Almaty oblysynda jasandy sýatta shomylý kezinde 11 jasar bala batyp ketti
ASTANA. 21 tamyz. QazAqparat - Almaty oblysynda jasandy sýatta shomylý kezinde 11 jasar bala sýǵa batyp ketti, dep habarlaıdy QR TJM-niń baspasóz qyzmetinen.
Dúısenbi, 20 tamyz kúni Almaty oblysynyń Bereke aýylynyń mańynda jasandy sýatta shomylǵan 11 jasar bala batyp ketti. Onyń denesin jaǵaǵa kýágerler alyp shyqty.
Sol kúni Qyzylordadaǵy Shirkeıli arnasynda 22 jastaǵy jas jigit batyp ketti. Onyń múrdesi jaǵaǵa QR TJM Qyzylorda oblystyq TJD sýdan qutqarý qyzmetindegi 5 adam men 1 tehnıkasynyń kómegimen shyǵaryldy.
Qostanaı oblysyndaǵy Tobyl ózeninde 20 tamyzda 34 jastaǵy er adam sýǵa batyp ketti. Onyń denesi sýdan QR TJM Qostanaı oblystyq TJD sý-qutqarý qyzmetindegi 3 adam men 1 tehnıka birliginiń kúshimen shyǵaryldy.
Atyraýda Jaıyq ózeninde 18 tamyzda «Beıbarys» kópiriniń qasynda sýǵa batyp ketken 25 jastaǵy jigittiń múrdesi tabyldy. Oǵan QR TJM Atyraý oblystyq TJD sýdan qutqarý qyzmetindegi 2 adam men 1 tehnıka birliginiń kúshteri jumyldyryldy.
