Almaty oblysynda jas mamandarǵa salynǵan záýlim úı bos tur
TALDYQORǴAN. QazAqparat - Almaty oblysynyń Qaratal aýdanyna qarasty Kópbirlik aýylynda jas mamandarǵa eki qabatty úı salyndy. Alaıda aýylǵa baryp jumys isteıtin maman joq, dep habarlaıdy QazAqparat tilshisi.
Eki otbasyǵa arnalǵan záýlim úıdi aýyl týmasy, Qazaqstannyń qurmetti energetıgi Kenjemurat Dúkenbaev degen azamat salyp berdi. Elbasynyń «Rýhanı jańǵyrý: Bolashaqqa baǵdar» maqalasyna qoldaý kórsetip, týǵan jerine tý tikken azamattyń bir ǵana talaby bar. Bul baspanaǵa «Dıplommen aýylǵa» baǵdarlamasy aıasynda Kópbirliktegi mektepke kelgen jas muǵalimder ornalasa alady. Biraq bir jyldan beri aýylǵa jumys izdep kelgen maman joq. Al Ahmet Baıtursynov atyndaǵy orta mektepke orys tili jáne aǵylshyn tili pániniń muǵalimderi aýadaı qajet.
Jalpy 110 tútini bar Kópbirlik aýyly aýdan ortalyǵy Úshtóbe qalasynan 180 shaqyrym jerde ornalasqan. Eldi mekende orta jáne shaǵyn bıznes damyp keledi. Aýyl Balqash kóliniń jaǵalaýynda ornalasqandyqtan mundaǵy turǵyndardyń basym bóligi - balyqshylar.
