Almaty oblysynda jarylǵysh zat jóninde habarlaǵan áıel ustaldy
TALDYQORǴAN. QazAqparat - Almaty oblysynda jarylǵysh zat jóninde habarlaǵan kúdikti áıel ustaldy. Qazir atalǵan is boıynsha 1980 jyly týǵan azamatsha Talǵar aýdandyq ІІB-de tergelip jatyr. Jalǵan aqparat bergen kúdikti áıel "Qyzyl Qaırat" aýylynyń turǵyny, dep habarlaıdy QazAqparat tilshisi.
Turǵynnyń mundaı áreketke ne sebepti barǵany belgisiz. Ázirge belgilisi, ol buǵan deıin qylmystyq jaýapkershilikke tartylmaǵan.
Esterińizge sala keteıik, búgin saǵat 13:30-da belgisiz bireý Talǵar aýdandyq ІІB-ge qońyraý shalyp, "Qyzyl Qaırat" aýylyndaǵy balabaqshalardyń birine jarylǵysh zat qoıylǵandyǵyn aıtqan. Aýylda ornalasqan 3 balabaqshadaǵy adamdar qaýipsiz jerge kóshirildi. Aımaq tolyqtaı qorshaýǵa alynǵan. Oqıǵa ornynda quzyrly organ qyzmetkerleri jumys istep jatyr. Olar atalǵan jaǵdaıǵa túsinistikpen qarap, halyqtan dúrlikpeýdi suraıdy.
