Almaty oblysynda jarty mıllıonǵa jýyq medıtsınalyq betperde tárkilendi
TALDYQORǴAN. QazAqparat - Taldyqorǵan qalasyndaǵy jeke úılerdiń biriniń aýlasynan 250 qorapqa salynǵan medıtsınalyq betperde tabyldy, - dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, jalpy sanaý barysynda ár qorapta 1800-2000 dana betperde bar ekeni belgili boldy. Boljam boıynsha taýardy tıep, odan ári jóneltýge daıyndaǵan.
«Berkýt-162» patrýldik ekıpajy aýlalardy júrip ótý barysynda qoldan jasalǵan qoımany baıqaǵan. Oqıǵa ornyna jedel-tergeý toby shaqyryldy. Esh jerde jumys istemeıtin 1960 jyly týǵan azamat ustaldy. Atalǵan derek boıynsha QR Qylmystyq kodeksiniń 190-babyna sáıkes sotqa deıingi tergeý amaldary júrgizilip jatyr»,- Taldyqorǵan QPB bastyǵy polıtsııa polkovnıgi Asqar Nursapa.
Qazirgi ýaqytta aldyn ala tergeý júrgizilýde. Tergeý barysynda kúdiktiniń medıtsınalyq betperdelerdiń qaıdan shyqqany, kimge tıesili ekeni jáne qaıda tasymaldaý josparlanǵany anyqtalatyn bolady.
