Almaty oblysynda jaraqattanǵan 4 adamnyń jaǵdaıy belgili boldy

QONAEV. QazAqparat - Almaty oblysynyń Eńbekshiqazaq aýdanynda janjaldan keıin aýrýhanaǵa túsken 4 naýqastyń jaǵdaıy belgili boldy, dep habarlaıdy QazAqparat tilshisi.

Oblystyq densaýlyq saqtaý basqarmasynyń málimetinshe, 5 qarasha kúni túnde 4 adam túrli dene jaraqatymen aýrýhanaǵa túsken.

«1992 jyly týǵan naýqas sol jaq keýdesine kesilgen jaraqat alǵan. Aýrýhana bóliminde em qabyldaýda. Jaǵdaıy turaqty.

1984 jyly týǵan naýqas bas-keýde tusyna kesilgen jaraqat alǵan. Oǵan operatsııa jasaldy. Jansaqtaý bóliminde jatyr. Jasandy tynys alý apparatyna qosylǵan. Jaǵdaıy óte aýyr.

1987 jylǵy naýqas bas-mı jaraqatyn, oń jaq ıyǵynan kesilgen jaraqat alǵan. Travmatologııa bóliminde jatyr. Jaǵdaıy turaqty.

Al tórtinshi naýqas dárigerdiń tekserýinen keıin ambýlatorııalyq em qabyldaýǵa jiberildi»,- delingen atalǵan vedomstvonyń habarlamasynda.

Eske salaıyq, Almaty oblysy Eńbekshiqazaq aýdanynda er azamattar janjaldasyp, 5 adam aýrýhanaǵa túskenin habarlaǵan bolatynbyz. Onyń biri kóz jumdy.