Almaty oblysynda jappaı tóbelesten 17 jastaǵy jigit qaza boldy

ASTANA. QazAqparat - Almaty oblysynda jastar arasyndaǵy tóbelesten 17 jasar jasóspirim qaza tapty. Qazirgi kezde oqıǵanyń barlyq qatysýshylary ustaldy, dep habarlaıdy QR ІІM baspasóz qyzmeti.

5 tamyzda Almaty oblysy Eńbekshiqazaq aýdany Báıdibek Bı aýylyndaǵy úılerdiń biriniń aýlasynda zorlyqpen ólim belgileri bar 17 jastaǵy jasóspirimniń máıiti tabyldy.

«Jasóspirimge oq tıip qaza bolǵany anyqtaldy. Oq atqan myltyq ustalǵandardyń biriniń ákesine tıesili ekeni anyqtaldy. Qazirgi ýaqytta 9 kúdikti ÝUI-ǵa qamaldy, bul fakt QR QK 99-baby 9-tarmaǵynyń 2-bóligi14-tarmaǵy boıynsha aýdandyq polıtsııada tirkeldi jáne sotqa deıingi tergeý bastaldy», - dedi Almaty oblysy PD bastyǵy Baýyrjan Álenov.
Túngi saǵat 12-de jastar arasynda tóbeles bolyp, qatysýshylardyń biri atys jaraqatyn alyp, qaıtys bolǵany anyqtaldy.
Oblys PD bastyǵynyń aıtýynsha, qazirgi ýaqytta sot-medıtsınalyq saraptama taǵaıyndaýmen barlyq qajetti tergeý sharalary júrgizilýde.
«Basqa qatysýshylarǵa qatysty QR QK 293 - baby boıynsha qylmystyq is qozǵaldy, buzaqylyq», - dep naqtylady Álenov.