Almaty oblysynda jantúrshigerlik kólik apatynyń vıdeosy jarııalandy
TALDYQORǴAN.QazAqparat - Áleýmettik jelide Almaty oblysynda bolǵan jantúrshigerlik kólik apatynyń vıdeosy jarııalandy. Beınejazbada apatqa ushyraǵan kólik jol jıegindegi temirdiń ortasyna kirip ketkenin anyq kórýge bolady, dep habarlaıdy QazAqparat tilshisi.
«Mynaý Shamalǵan men Shalqardyń ortasy. Myna mazda shamamen saǵatyna 200 km jyldamdyqpen júrgen. Júrgizýshi tiri eken. Eki adam qaıtys bolǵan», - dep málimdeıdi beınejazbanyń avtory.
Oblystyq ІІD baspasóz qyzmetiniń ókili Kóbeıhan Nurahmet oqıǵanyń Almaty oblysynda bolǵanyn rastady.
«Oqıǵa 27 maýsymda bolǵan. Bir adam qaıtys boldy. Qazir atalǵan fakti boıynsha QR QK 345 babyna sáıkes is qozǵalyp, tergeý júrip jatyr. Qajetti sot medıtsınalyq saraptamalar taǵaıyndaldy», dedi K. Nurahmet.
