Almaty oblysynda jantúrshigerlik kólik apatynan 4 er adam mert boldy
TALDYQORǴAN.QazAqparat - Almaty oblysynda jantúrshigerlik kólik apatynan 4 er adam mert boldy. Taǵy bir adam aýrýhanaǵa tústi, dep habarlaıdy QazAqparat tilshisi.
Oqıǵa búgin túnde Almaty-Óskemen tas jolynyń 119-shy shaqyrymynda ıaǵnı, Sheńgeldi aýyly mańynda bolǵan.
Aldyn ala boljam boıynsha, bir baǵytta kele jatqan jeńil avtokólik «Kamaz» júk kóliginiń astyna kirip ketken. «Volkswagen Vento» kóliginde bolǵan 4 er adam kóz jumdy, 21 jastaǵy qyz aýyr jaǵdaıda aýrýhanaǵa jetkizildi. Jeńil kólik tizgininde 34 jastaǵy Kóksý aýdanynyń turǵyny bolǵan. Al, «Kamaz» júrgizýshisi ShQO Úrjar aýdanynyń 1991 jylǵy turǵyny.
Atalǵan aqparatty oblystyq ІІD baspasóz qyzmeti rastady.
«Qazir osy fakti boıynsha QR QK 345-babynyń 4-shi tarmaǵyna sáıkes is qozǵaldy. Tergeý jumystarymen oblystyń anyqtaý basqarmasy aınalysýda», - dedi oblystyq ІІD baspasóz qyzmetiniń ókili Kóbeıhan Nurahmetov.
