Almaty oblysynda jantúrshigerlik kólik apaty boldy
JARKENT. QazAqparat - Almaty oblysynyń Jarkent qalasynda úsh kólik soqtyǵysyp, mashınalardyń saý-tamtyǵy qalmaǵan. Oqıǵa ornynan túsirilgen sýrette «Mıtsýbısı padjero» «Toıota karına» kóliginiń ústine deıin shyǵyp ketken, dep habarlaıdy QazAqparat tilshisi.
Almaty oblystyq Іshki ister departamentiniń baspasóz qyzmeti jol-kólik oqıǵasy búgin Panfılov aýdanynyń ortalyǵy Jarkent qalasynda bolǵanyn rastady.
«Jol-kólik oqıǵasynda «Mıtsýbısı padjero», «Toıota karına» jáne «Reno daster» kólikteri soqtyǵysqan. Osy úsh mashınada tórt adam bolǵan. Barlyǵy da aman. Biraq «Mıtsýbısı padjero» kóligindegi eki adam dene jaraqattarymen aýrýhanaǵa jetkizildi. Oqıǵa ornynda polıtseıler jumys istep jatyr»,- dedi vedomstva ókili Kóbeıhan Nurahmetov.
Ázirge kósheniń ortasynda soqtyǵysqan kólik apatyna kim kináli ekeni belgisiz. Tártip saqshylary oqıǵanyń mán-jaıyn anyqtaý ústinde.
