Almaty oblysynda jańbyr jaýyp, ózen-kólderde sý deńgeıi kóteriledi

ALMATY. QazAqparat - Almaty oblysynda ózen-kólderde sý deńgeıi kóterilýi múmkin, dep habarlaıdy QazAqparat tilshisi.

Almaty oblystyq tótenshe jaǵdaılar departamenti taratqan málimetke sáıkes, 27-29 naýryzda Almaty oblysynyń taý bókterinde qatty jaýyn-shashyn jaýady, tuman túsedi.

Saldarynan taý betkeılerinde sý aǵyny paıda bolady, ózen-kólderdegi sý deńgeıi kóteriledi.

Sondaı-aq, Almaty oblysynda 29 naýryzda Alakól aımaǵynda ońtústik-batystan jel soǵady, ekpini 23-28 m/s jetedi.

Almaty oblysynyń tótenshe jaǵdaılar departamenti turǵyndardy aýa raıynyń ózgerýin baqylap, saqtyq sharalaryn saqtaýǵa shaqyrady.

«Qazgıdromet» taratqan eskertý negizinde Almatynyń tótenshe jaǵdaılar qyzmeti de turǵyndarǵa taýǵa shyqpaýǵa keńes beredi.

27 naýryz kúni taýly aımaqtarda qalyń tuman túsip, kóktaıǵaq bolady. Jaýyn-shashyn jaýady.