Almaty oblysynda jańartylǵan energııa óndiretin qansha nysan iske qosylady
NUR-SULTAN. QazAqparat – 2030 jylǵa deıin Almaty oblysynda jańartylǵan energııa kózderiniń 76 nysanyn iske asyrý josparlanǵan. Bul týraly atalǵan óńir ákimi Amandyq Batalov málim etti, dep habarlaıdy QazAqparat tilshisi.
«Almaty oblysynyń aýmaǵynda Qazaqstannyń sý energııa resýrstary qorynyń 65 paıyzy shoǵyrlanǵan. Sol sııaqty Jońǵar qaqpasy men Shelek dálizi jel elektr stansalarynyń áleýetti qurylysynyń biregeı alańdary bolyp otyr. Bul osy salany belsendi ınvestıtsııalaý úshin qolaıly jaǵdaı týǵyzyp otyr. Máselen, búgingi tańda oblysta jalpy belgilengen qýaty 332,4 MVt bolatyn jańartylǵan energııa kózderiniń 32 nysany jumys isteıdi, olarǵa 50,1 mlrd teńge ınvestıtsııa tartylǵan», - dedi óńir ákimi Úkimet otyrysynda.
Onyń aıtýynsha, sońǵy 5 jylda óńirde jıyntyq qýaty 250,4 MVt bolatyn 18 nysan paıdalanýǵa berildi.
«2020 jyly jalpy belgilengen qýaty 62,9 MVt bolatyn 4 joba iske asyrylyp, 14,4 mlrd teńge ınvestıtsııa salynyp, 30 jumys orny ashyldy. Al bıyl jalpy qýaty 154,6 MVt, quny 84 mlrd teńge bolatyn, 63 jumys orny qurylatyn 7 jobany júzege asyramyz dep josparlap otyrmyz. Al jalpy 2030 jylǵa deıin oblysta 76 nysandy iske asyrý josparlanǵan», - dedi A.Batalov.
Oblys ákiminiń sózine qaraǵanda, QR Energetıka mınıstrligimen jáne «KEGOK» AQ-men kelisilip, oblystaǵy jeti aýdanda kerneýi 110-220 kV 1,3 myń shaqyrym áýe jelilerin elektrmen jabdyqtaý shemalaryn damytýdy kózdeıtin «Almaty oblysynyń ońtústik-shyǵys aýmaǵyn elektrmen jabdyqtaý» jobasynyń TEN-i ázirlendi.
