Almaty oblysynda janarmaı quıý beketine qaraqshylyq jasaldy

Betine betperde kıgen eki adam kúzetshi men operator qyzdy baılap tastap, kassadaǵy 200 myń teńgege jýyq aqshany jáne aldyn ala daıyndalǵan arnaıy kólikpen 18 tonna dızel otyndy qoldy qylǵan, dep habarlaıdy QazAqparat tilshisi.

Oqıǵa 31 qańtar kúni bolǵan. Jedel izdestirý sharalary barysynda Іle aýdanynyń polıtseıleri osy qylmysty jasady degen kúdikpen Almaty qalasynyń eki turǵynyn ustady.

«Bul is boıynsha QR Qylmystyq Kodeksiniń 192-babynyń 2-tarmaǵyna sáıkes qaraqshylyq deregi boıynsha sotqa deıingi tergeý amaldary júrgizilýde. Urlanǵan iri kólemdegi dızel otyny zańdy ıesine qaıtaryldy. Qazirgi ýaqytta kúdiktiler ýaqytsha ustaý ızolıatoryna qamaqqa alyndy», - dep málimdedi Almaty oblystyq polıtsııa departamentiniń baspasóz qyzmeti.