Almaty oblysynda jańadan ashylǵan zaýytta jumysshylar tegin tamaqtanady

TALDYQORǴAN. QazAqparat - Búgin Qarasaı aýdanynda «Almaty shyny» seriktestigi iske qosyldy. Jarmuhanbet aýylynda ornalasqan bul zaýyt shyny ydystaryn shyǵarady jáne dekoratsııalaıdy. Zaýyttaǵy eń basty erekshelik, qyzmetkerler úshin jaǵdaıdyń qarastyrylýy, dep habarlaıdy QazAqparat tilshisi.

Zaýyt bazasynda jumysshylar úshin 2 jataqhana salynyp, olardy úsh ýaqyt tegin tamaqtandyratyn ashana jumys isteıtin bolady. Nysanda 400 jumys orny ashyldy. Investıtsııanyń jalpy quny 12,2 mlrd teńgeni quraıdy.

 

Kompanııa dırektorynyń aıtýynsha,  «Almaty shyny» zaýyty túrli pishindegi shyny ydystarmen qatar shyny bankiler shyǵarmaq. Sol sııaqty shynydan jasalǵan buıymdardy brendtaıtyn bolady. Bul ónimder úshin otandyq materıaldar qoldanylatynyn da atap ótý kerek.

Sondaı-aq, Qarasaı aýdanynda búgin «Holond Grın Tek» JShS-y iske qosyldy. Jylyjaılarǵa arnalǵan metall qurylymdaryn shyǵaratyn zaýyt Eltaı aýyldyq okrýgindegi Kókózek aýylynda ornalasqan. Tartylǵan ınvestıtsııa kólemi - 2,1 mlrd teńge, 30 jumys orny qurylǵan. Jobalyq qýaty - kúnine 8 tonna karkas shyǵara alady. Óndiriste gollandııalyq tehnologııa qoldanylady.

 

Qos nysannyń ashylýyna oblys ákiminiń birinshi orynbasary Lazzat Turlashov qatysty.  Zaýyttar Táýelsizdiktiń 25 jyldyǵyna oraı oblysta paıdalanýǵa berilip jatqan 25 jańa nysannyń qatarynda.