Almaty oblysynda jańa jyldyq korporatıv keshter ótkizýge tyıym salyndy
TALDYQORǴAN. QazAqparat - Almaty oblysynda 10 jeltoqsannan bastap karantınniń shekteý sharalary jeńildetiledi, dep habarlaıdy QazAqparat tilshisi.
Atap aıtqanda demalys kúnderi oıyn-saýyq keshenderine jáne kınoteatrlarǵa jumys isteýge ruqsat berilmek. Biraq kórermender sany 30 paıyzdan aspaýy jáne olar araqashyq saqtap, maska taǵyp otyrýy kerek. Sondaı-aq buǵan deıin 30 adam ǵana qabyldap kelgen qoǵamdyq tamaqtaný oryndarynda 50 adamǵa deıin qyzmet kórsetýine bolady. Meshitter men shirkeýlerde de 50 adamǵa deıin qulshylyq jasaýǵa ruqsat berilip otyr.
Biraq óńirdiń bas sanıtarlyq dárigeri qaýlysymen jańa jyldyq erteńgilikterdi, korporatıvtik jıyndar ótkizýge qatań tyıym salyndy.
Sonymen qatar, ashyq aspan astyndaǵy muz aıdyndary men syrǵanaqtardyń jumysyna da ruqsat beriledi.
