Almaty oblysynda jańa úlgidegi ýchaskelik polıtsııa pýnkteri ashylýda
TALDYQORǴAN. QazAqparat - Almaty oblysyndaǵy aýyldarda jańa úlgidegi ýchaskelik polıtsııa pýnkteri ashyla bastady. Bul qyzmet oryndarynyń basty ereksheligi tártip saqshysynyń úıi de, keńsesi de bir ǵımaratta ornalasqan, dep habarlaıdy QazAqparat tilshisi.
Osy ýaqytqa deıin ýchaskelik polıtseıler aýyl ákimdiginiń bir bólmesin panalaıtyn. Sondaı-aq, taǵaıyndalǵan eldi mekende baspana máselesi de qıyn bolatyn. Jetisý jerindegi jańa bastama polıtsııa qyzmetkerine de, aýyl turǵyndaryna da yńǵaıly. Inspektor óz jumys ornynan tabylyp, otbasynyń baspana máselesine alańdamaıdy.
Jyl sońyna deıin óńirde 63 osyndaı jańa tirek pýnktteri ashylady. Ǵımarattar qurylysyna oblys bıýdjetinen 1,2 mlrd teńgege jýyq qarjy bólingen. Osyndaı jańa úlgidegi pýnkt Sarqan aýdanyndaǵy Ekiasha aýylynda saltanatty túrde ashyldy.
Bul aýyldaǵy ýchaskelik polıtseı, polıtsııa kapıtany Nurlan Ǵalıevtiń jumys aýmaǵynda 5 myńnan astam halyq turady. Olardyń qaýipsizdigin qamtamasyz etip, qylmystyń aldyn alýda jańa pýnkt óte qolaıly. Oblystyq ІІD bastyǵy general-maıor Murat Urymhanovtyń aıtýynsha, bul tártip saqshylarynyń eńbek ónimdiligin de arttyrady. Demek ýchaskelik polıtsııa qyzmetkeri ary-beri júrip, ýaqyt ketirmeıdi. Únemi jumys ornynan tabylady.
