Almaty oblysynda jańa GES salynyp jatyr

Energokeshen qurylysymen QR Parlamenti Májilisiniń depýtaty Ábdimanap Bekturǵanov tanysyp qaıtty, dep habarlaıdy QazAqparat tilshisi.

Sý elektr stantsııasy Eskeldi aýdany aýmaǵyndaǵy Shaja ózeniniń boıynda salynyp jatyr. Quny 9,3 mlrd teńge bolatyn aýqymdy joba 2020 jyldyń jeltoqsan aıynda aıaqtalady dep josparlanǵan. Qazirgi tańda qurylys jumystaryna 150-den astam adam jumyldyrylǵan. Bas merdiger ASPMK-519 JShS.

Sý elektr stantsııasynyń qurylysy aıaqtalǵannan keıin bul jerde 25 adam eńbek etedi. Jumysshylarmen kezdesken halyq qalaýlysy óńirde Elbasy Nursultan Nazarbaevtyń Jasyl ekonomıka saıasaty óz deńgeıinde júrip jatyr dep atap ótti. Sondaı-aq ol jańa GES orta jáne shaǵyn bıznestiń damýyna yqpal etip, týrızm salasyna qan júgirtetinin tilge tıek etti. Sebebi merdigerler sý elektr stantsııasyna deıin jol salyp, elektr jelilerin tartyp, taýly aımaqta, ózen jaǵasynda demalys oryndarynyń ashylýyna múmkindik beredi.