Almaty oblysynda jańa balabaqsha ashyldy
TALDYQORǴAN. QazAqparat - Búgin Sarqan qalasynda 100 balaǵa arnalǵan jańa balabaqsha paıdalanýǵa berildi. Mektepke deıingi mekeme memlekettik jáne jeke menshik seriktestik aıasynda ashyldy, dep habarlaıdy QazAqparat tilshisi.
Jańa balabaqshany bilim salasynda talaı jyl eńbek etken, zeınetker ustaz Batıma Anekına ashyp otyr.
«Jańa jyl qarsańynda paıdalanýǵa berilgen nysan zamanaýı talapqa tolyqtaı saı. Búldirshinderdiń sanaly da sapaly tárbıe alýyna qolaıly jaǵdaı qarastyrylǵan. Elimizdiń erteńgi bolashaǵyn tárbıeleýde óz úlesimdi aıanbaı qosa beremin» - deıdi kásipker Batıma Anekına.
Bul balabaqsha bıyl memlekettik jáne jekemenshik seriktestik aıasynda Sarqan aýdany boıynsha ashylyp otyrǵan ekinshi mektepke deıingi mekeme. 
Aıta ketý kerek qazirgi tańda Almaty oblysy memlekettik baǵdarlama aıasynda kásipkerlerge qoldaý kórsetip, balabaqsha ashý turǵysynan kósh bastap tur. Máselen, Táýelsizdik jyldarynda 338 balabaqsha ashylsa onyń 296-sy memlekettik-jekemenshik aıasynda paıdalanýǵa berildi. Qazirgi tańda oblys boıynsha balalardy mektepke deıingi tárbıemen qamtý deńgeıi 87 % jetti.
