Almaty oblysynda jańa 24 mektep paıdalanýǵa berildi
TALDYQORǴAN.QazAqparat - Almaty oblysynda jańa oqý jylynda 24 mektep paıdalanýǵa berildi. Bir ǵana Talǵar aýdanynyń ózinde bes birdeı bilim shańyraǵy oqýshylarǵa esigin aıqara ashty, dep habarlaıdy QazAqparat tilshisi.
Máselen, «Nurly jol» baǵdarlamasy aıasynda Talǵar aýdanynyń Aqtas aýylynda № 36 orta mektepke jáne Belbulaq aýylyndaǵy № 32 bilim shańyraǵyna 600 oryndyq ǵımarat japsarlaı salynyp, oqýshylardy qabyldady. Bul maqsatqa 2 mlrd 374 mln teńge qarjy bólingen.
Sonymen qatar Elaman, Kishi Baıserke, Eńbekshi eldi mekenderinde 300 oryndyq jańa mektepter qoldanysqa ótti.
Jalpy Talǵar aýdanynyń 2017 jyly bilim salasynyń bıýdjeti 10 mlrd 153 mln teńgege jetti. Bul qarjy aýdan bıýdjetiniń 72 paıyzyn qurap otyr.
Sondaı-aq, Іle aýdanynda alty, Qarasaıda bes, Jambylda tórt, Eńbekshiqazaqta eki, Panfılov jáne Raıymbek aýdandarynda bir mektep ashyldy. Jyl sońyna deıin Almaty oblysynda taǵy 11 mektep paıdalanýǵa beriledi.
