Almaty oblysynda jambyldyq 54 jastaǵy turǵyn esirtkimen ustaldy
TALDYQORǴAN. QazAqparat - Almaty oblysynda Jambyl oblysynyń 54 jastaǵy turǵyny esirtkimen ustaldy, dep habarlaıdy «QazAqparat» HAA tilshisi.
Ol Jambyl aýdany «Aqterek» baqylaý beketinde ustaldy. Tekserý barysynda ıisshil ıttiń kómegimen Nıssan-tsefıro avtokóliginiń júksalý bóliginde ishi aqshyl sary untaq tárizdes zatqa toly plastmassalyq bótelke tabylǵan. Sot-hımııalyq saraptama nátıjesi boıynsha tárkilengen zattyń salmaǵy 1 kılogramm 10,8 gramm «Geroın» ekendigi anyqtaldy.
Atalǵan fakti boıynsha Qazaqstan Respýblıkasy Qylmystyq Kodeksiniń 297-babyna sáıkes qylmystyq is qozǵaldy (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý).
Ustalǵan azamat Qarasaı AІІB-na ýaqytsha ustaý ızolıatoryna qamaýǵa alyndy. Qazirgi ýaqytta tekserý jumystary júrgizilýde.
Jalpy, aǵymdaǵy jyly zańsyz aınalymnan Almaty oblysy ІІD qyzmetkerlerimen 4 kg 681,15 gr.geroın tárkilendi.
