Almaty oblysynda jalǵyzbasty kórshisin býyndyryp óltirgen kúdikti ustaldy
TALDYQORǴAN.QazAqparat - Almaty oblysynda 60 jastaǵy áıeldi óltirdi degen kúdikpen kórshisi ustaldy. Qazir 42 jastaǵy kúdikti qamaýǵa alyndy, dep habarlaıdy QazAqparat tilshisi.
Іs materıalyna sáıkes, 2 qańtarda Tekeli qalasyndaǵy páterlerdiń birinen áıel adamnyń múrdesi tabylǵan. Zeınetker óziniń úıinde kóz jumǵan. Bastapqyda denesinen uryp-soǵý belgileri baıqalmaǵandyqtan, áıel adam júrek aýrýynan kóz jumdy degen boljam bolǵan. Alaıda sot-medıtsınalyq saraptama barysynda áıel adamdy býyndyryp óltirgeni anyqtaldy.
Jedel-izdestirý shara barysynda Tekeli qalasynyń ІІB-ń polıtseıleri kúdiktini anyqtap, ustady.
«Kúdikti óz túsiniktemesinde kórshisimen ursysyp qalyp, sońy adam ólimine ákep soqtyrǵanyn aıtqan. Sózinshe, áıel adamdy ol aıaq kıimniń baýymen býyndyryp óltirgen. Qazir aıǵaq zat is materıalyna tirkeldi. Atalǵan faktige baılanysty QR QK 99-babyna «Adam óltirý» sáıkes is qozǵalyp, tergeý jalǵasýda», dedi Tekeli qalalyq ІІB bastyǵynyń orynbasary, polıtsııa kapıtany Azamat Turǵynbaev.
