Almaty oblysynda jalǵan aqparat bergen turǵyn ustaldy

TALDYQORǴAN. QazAqparat - Almaty oblysynda jalǵan aqparat bergen azamat ustaldy. Talǵar aýdanynyń turǵyny Іshki ister organyna qońyraý shalyp, meshitte jarylǵysh zat bar ekenin aıtqan, dep habarlaıdy QazAqparat tilshisi.

Aıaqtarynan tik turǵan quzyrly organnyń ókilderi atalǵan aımaqty qorshaýǵa alyp, 18 adamdy qaýipsiz jerge shyǵardy. Alaıda tintý barysynda eshqandaı qaýipti zattyń joq ekeni anyqtaldy. Jedel izdestirý sharasy kezinde  40 jastaǵy azamat kúdikti retinde ustaldy.  Ol mundaı qadamǵa ishimdik ishken kúıinde barǵan.
Qazir atalǵan fakti boıynsha is qozǵaldy. Oblystyq ІІD baspasóz qyzmetiniń málimetinshe, eldi dúrliktirgen adam qamaýǵa alyndy.