Almaty oblysynda jaldanyp jumys isteıtin sheteldikterdiń sany artyp otyr
TALDYQORǴAN. QazAqparat - Almaty oblysynda jaldanyp jumys isteıtin sheteldikterdiń sany artýda. Qazir kóshi-qon polıtsııasy eńbek mıgranttaryn tekserip jatyr, dep habarlaıdy QazAqparat tilshisi.
Máselen, Іle aýdanynyń Tóle bı aýylynda salynyp jatqan 300 oryndyq mekteptiń qurylys jumystaryna shetel azamattary tartylypty. Kelimsekterdiń kóbi ómir súrýge esh jaǵdaı jasalmaǵan, sýyq ári las jerde turyp-aq jumys isteýge daıyn. Sebebi óz elderinde eki qolǵa bir kúrek tabylmaı otyr eken.
«Zań talabyna sáıkes Qazaqstanǵa Ózbekstannan nemese basqa elden kelgen azamattar zańdy jumys isteýge ruqsat qaǵazyn alý kerek. Sol qaǵazda merzimi kórsetilgen, sol merzimge sáıkes jumys isteý qajet», deıdi Almaty oblystyq kóshi-qon basqarmasy qyzmetiniń ókili Tımýr Noǵaıbaev.
Tekserý nátıjesinde kóshi-qon polıtsııasy bir top sheteldik azamatty arnaıy avtobýspen ІІB-ne jeke basyn anyqtaý úshin alyp ketti.
Aıta keteıik, Qazaqstan zańnamasyna sáıkes Ózbekstan azamattarynyń eńbegi zańsyz dep tanylsa, olar jáne jumys berýshi ákimshilik jaýapqa tartylyp, aıyppul tóleýge mindetteledi. Tipti mıgranttar Qazaqstan aýmaǵynan shettetilýi de múmkin.
