Almaty oblysynda jaldanyp jumys istep júrgen jigitti óltirip ketti
TALDYQORǴAN.QazAqparat - Almaty oblysyndaǵy Balqash aýdanyna qarasty qystaqtardyń birinen jas jigittiń óli denesi tabyldy. Mert bolǵan azamat júrek tusynan pyshaq jaraqatyn alǵan, dep habarlaıdy QazAqparat tilshisi.
Tergeý barysynda kóz jumǵan jigittiń qystaqta malshy bolyp jumys istegeni belgili boldy. Ol 26 jastaǵy Іle aýdanynyń turǵyny eken.
Birneshe saǵattyń ishinde kúdikti de anyqtalyp, qolǵa tústi. Qazir Balqash aýdanynyń 57 jastaǵy jergilikti turǵyny adam óltirý faktisi boıynsha tergelip jatyr.
«Kúdikti qashpaǵan. Ol túsiniktemesinde jigitti qasaqana óltirmegenin aıtqan. Sózinshe, tanysymen ishimdik iship otyryp, janjaldasyp qalǵan. Oqıǵa kisi ólimimen aıaqtalǵan», - dep málim etti oblystyq ІІD baspasóz qyzmeti.
Kúdiktiniń ústinen QR QK 99-baby boıynsha is qozǵaldy. Atalǵan fakti boıynsha tergeý jalǵasýda. 57 jastaǵy er adam qamaýǵa alyndy.
