Almaty oblysynda zeınetkerdi qaqqan kólik júrgizýshisi ustaldy
TALDYQORǴAN. QazAqparat - Almaty oblysynda zeınetkerdi kóligimen qaǵyp, oqıǵa ornynan qashyp ketken júrgizýshi ustaldy. Qazir 30 jastaǵy er adamnyń ústinen qylmystyq is qozǵaldy, dep habarlaıdy QazAqparat tilshisi.
Oqıǵa 9 qańtar kúni «Almaty-Talǵar» tas jolynyń 11-shi shaqyrymynda bolǵan. 66 jastaǵy azamatty kólik qaǵyp, qashyp ketken. Zardap shekken jábirlenýshi jaraqatpen aýrýhanaǵa jetkizildi.
«Oqıǵa ornynan izin sýytqan kólik júrgizýshisi ustaldy. Kúdiktiniń ústinen qylmystyq is qozǵalyp, tergeý jalǵasýda. Al adam qaqqan kólik arnaıy turaqqa qoıyldy», - dep málim etti oblystyq ІІD baspasóz qyzmeti.
Ustalǵan kúdikti Talǵar aýdanyndaǵy Besaǵash aýylynyń turǵyny ekeni anyqtaldy. Іspen osy aýdannyń tártip saqshylary aınalysýda. Al zardap shekken zeınetker áli aýrýhanada jatyr.
