Almaty oblysynda zeınetker kelinin pyshaqtap óltirdi degen kúdikpen ustaldy
TALDYQORǴAN.QazAqparat - Búgin Almaty oblysy Qarasaı aýdanynyń Abaı aýylyndaǵy jer úılerdiń birinen jas kelinshektiń múrdesi tabyldy. Qandy oqıǵaǵa basty kúdikti retinde qaıtys bolǵan áıeldiń qaıyn atasy ustalyp, qamaýǵa alyndy, dep habarlaıdy QazAqparat tilshisi.
Kúdikti óz túsiniktemesinde kelinimen dastarhan basynda ishimdik iship, janjaldasyp, onyń sońy kisi ólimine ákelip soqtyrǵanyn aıtqan.
«Basty kúdikti retinde 75 jastaǵy zeınetker ustaldy. Qazir onyń ústinen QR QK 99 baby boıynsha is qozǵalyp, qamaýǵa alyndy», dep málim etti oblystyq ІІD baspasóz qyzmeti.
Al birneshe pyshaq jaraqatynan qaıtys bolǵan áıeldiń artynda úlken qyzy qaldy.
