Almaty oblysynda zeınetke shyǵatyn 447 muǵalimniń ornyna mamandar izdestirilýde
TALDYQORǴAN.QazAqparat - Bıyl Almaty oblysynda 447 muǵalim zeınetke shyǵady. Qazir óńirde kadr məselesin sheshý maqsatynda jumystar atqarylyp jatyr dep, habarlaıdy QazAqparat tilshisi.
Oblystyq bilim basqarmasynyń basshysy Ləzzat Bazarqulovanyń aıtýynsha, elimizdegi JOO-larmen kelissózder júrgizilýde.
"ShQO, Almaty jəne Qazaqstannyń jetekshi joǵary oqý oryndarynyń biri Eýrazııa ulttyq ýnıversıtetimen birqatar jumystar atqaryp jatyrmyz. Jas kadrlardy Jetisý jerine shaqyrýdamyz. Eger mamandar keletin bolsa, baspana syndy ózekti məselelerdi múmkindiginshe sheship beremiz. Óńir basshysy barynsha qoldaý bildiretinin jetkizdi. Al qazir 447 maman jumystaryn istep jatyr. Olar oqý jyly aıaqtalǵanda zeınetke shyǵady. Bizge kadrlar aýdandarǵa, naqtyraq aıtqanda aýyldy jerlerge kerek" - dedi L. Bazarqulova.
Aıta ketý kerek, qazirgi tańda Almaty oblysy boıynsha 36 840 muǵalim shəkirt tərbıelep, eńbek etýde.
