Almaty oblysynda zańsyz spırt tasymaldaýshy ustaldy

NUR-SULTAN. QazAqparat – Almat oblysynyń Qarasaı aýdanynyń aýmaǵynda tıisti ruqsat qujattarynsyz aktsızdeletin ónimderdi tasymaldaý jáne saqtaý faktisi boıynsha Almaty oblysynyń turǵyny ustaldy.

Bul týraly QazAqparat QR Qarjy mınıstrligi Qarjy monıtorıngi komıtetiniń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, tasymaldaýshy QR Qarjy mınıstrligi Qarjy monıtorıngi komıtetiniń Almaty oblysy boıynsha Ekonomıkalyq tergeý departamenti qyzmetkerleri Almaty oblysy Memlekettik kirister departamenti jáne Qarasaı aýdany polıtsııa bólimi ókilderimen birlesip júrgizgen jedel-izdestirý sharalarynyń barysynda qolǵa túsirgen.

Sondaı-aq, 12,2 tonna kóleminde spırtke tán ısi bar suıyqtyqty tasymaldap bara jatqan «Volvo» markaly avtokóligi ustaldy.

Tergeý amaldary júrgizilýde.