Almaty oblysynda zańsyz oıyn bıznesi uıymdastyrylǵan

NUR-SULTAN. QazAqparat - QR Qarjy mınıstrligi Qarjy monıtorıngi komıtetiniń Almaty oblysy boıynsha Ekonomıkalyq tergeý departamenti qyzmetkerleri jedel-izdestirý is-sharalaryn júrgizý kezinde, Almaty oblysynyń aýmaǵynda zańsyz oıyn qyzmetin uıymdastyrý faktilerin anyqtady.

Máselen, Jambyl aýdany Uzynaǵash aýylynda ornalasqan azyq-túlik dúkeniniń jer tólesin tekserý barysynda 13-ten astam apparat kóleminde oıyn bıznesine arnalǵan kóptegen kompıýter tehnıkalary tárkilendi.

Qazaqstan Respýblıkasynyń «Oıyn bıznesi týraly» Zańynyń 11 babyna sáıkes -

kazıno men oıyn avtomattary zaldary

, Almaty oblysynda Qapshaǵaı sý qoımasynyń jaǵalaýynda jáne Aqmola oblysynyń Şýchınsk aýdanynda ornalastyrylýǵa jatady.

«Qazirgi ýaqytta atalǵan fakti boıynsha tergeý amaldary júrgizilýde»,-delingen QR Qarjy mınıstrligi Qarjy monıtorıngi komıteti taratqan aqparatta.