Almaty oblysynda zańsyz maral aýlaǵandar ustaldy
TALDYQORǴAN. QazAqparat - Almaty oblysynda zańsyz maral aýlaýǵa shyqqan Qyrǵyzstan azamattary ustaldy, dep habarlaıdy Qazaqparat tilshisi QR UQK baspasóz qyzmetine silteme jasap.
Qarasaı shekara otrıadyna qarasty «Saty» zastavasynyń shekarashylary Qazaqstan Respýblıkasy aýmaǵynda maral atýǵa shyqqan eki Qyrǵyz eliniń azamatyn qolǵa túsirdi.
«Ustalǵan azamattardan «Tıgr» markaly ıir oıyqty ańshy myltyǵy 26 oq-dárisimen, «TOZ» uńǵyly myltyǵy 13 oǵymen, báki, ara jáne dúrbi tárkilendi. Sondaı-aq olardan 3-4 kúnge arnalǵan azyq-túlik, ańshylyqqa arnalǵan zattar, kıimder, arqan jáne qaptar tabyldy. Ustalǵan azmattar ózderiniń ań aýlaýǵa emes, mal izdeýge shyqqanyn, al Qazaqstan aýmaǵynda júrgenin adasyp ketkendigimen túsindirdi. Al qarý-jaraq pen oq-dári ıt-qustan qorǵanýǵa alyp shyqtyq dep aqtalǵan. Bolǵan jaǵdaı boıynsha Qyrǵyz eline tıisti aqparat jiberildi. Sondaı-aq Raıymbek aýdanynyń quqyq qorǵaý organdary da eskertildi», - delingen baspasóz málimdemesinde.
