Almaty oblysynda zańsyz qulan atqan azamat sottalýy múmkin
TALDYQORǴAN. QazAqparat - Almaty oblysynda qyzyl kitapqa engen qulandy atqan azamat ustaldy. Kerbulaq aýdanyndaǵy Qarashoqy aýylynyń 45 jastaǵy turǵyny qulan etin bólshektep, tuzdap jatqan sátinde quryqtaldy, - dep habarlaıdy QazAqparat tilshisi.
Kúdiktini oblystyq tabıǵatty qorǵaý polıtsııasynyń qyzmetkerleri «Altyn emel» memlekettik ulttyq tabıǵı parki aýmaǵynda júrgizgen reıdtik shara barysynda qolǵa túsirgen. Ulttyq parkpen shekaralas aýmaqtaǵy sharýa qojalyǵynda 45 jastaǵy er adam qulan etin bólshektep, tuzdap jatqan sátinde quryqtalǵan. Kúdikti túsiniktemesinde qyzyl kitapqa engen janýardy atyp alǵanyn aıtqan.
Onyń ústinen QR QK 339-baby boıynsha qylmystyq is qozǵalyp, aıǵaq zattar saraptamaǵa jiberildi. Sondaı-aq, er azamattan esh jerde tirkelmegen uńǵyly myltyq tárkilendi. Polıtseılerdiń málimetinshe, qyzyl kitapqa engen janýardy atqany úshin oǵan 3 myń AEK kóleminde aıyppul salynýy, 3 jylǵa bas bostandyǵynan aıyrý nemese shekteý jazasy qoldanylýy múmkin.
