Almaty oblysynda zańsyz qaraquıryq aýlaǵandar ustaldy

ASTANA. QazAqparat - Qaraǵandy oblysynda «Lend Krýzer» markaly avtokólikpen zańsyz ań aýlap júrgen 4 adam ustaldy. Bul týraly QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Feısbýktegi paraqshasynda jazdy, dep habarlaıdy QazAqparat.

«2018 jylǵy 17 qańtarda «Ohotzooprom» ÓB» RMQK ınspektorlary Almaty oblysy Jambyl aýdany Jýsandala respýblıkalyq mańyzy bar memlekettik qoryq aýmaǵynda zańsyz ań aýlaǵandardyń júrgenin kórip qalǵan. Inspektorlar  «Toıota Lend Krýzer» markaly avtokólikte jaryq túsirgish quralyn (fara) qoldaný arqyly zańsyz ań aýlap júrgen jerinen Qaraǵandy oblysynyń 4 azamatyn quryqtady», - dep habarlaıdy Sáken Dildahmet.

Avtokólikti tekserý barysynda 6 qaraquıryq ushasy men basy, eki SKS myltyǵy, 12 kalıbrli ańshylyq myltyǵy, 12 kalıbrdiń 20 oǵy, SKS myltyǵynyń 10 oǵy jáne jaryq túsirgish quraly tabyldy. Qazir qylmystyq is qozǵaldy.