Almaty oblysynda zańsyz qaban atqan turǵyn ustaldy
TALDYQORǴAN. QazAqparat - Almaty oblysynyń Kegen aýdanynda qabandy zańsyz atqan turǵyn ustaldy, dep habarlaıdy QazAqparat tilshisi.
Almaty oblysy aýmaǵynda júrgizilip jatqan «Shyrsha» jedel aldyn alý is-sharasy kezinde Kegen aýdanynyń tabıǵatty qorǵaý polıtseıleri zańsyz ań aýlaý deregin áshkereledi. 32 jastaǵy aýdan turǵynynyń qylmysqa qatysy bar ekeni anyqtaldy.
«Atalǵan derek boıynsha QR Qylmystyq kodeksiniń 337-babyna sáıkes sotqa deıingi tergeý amaldary júrgizilip jatyr. 1988 jyly týǵan azamat Qarqara ózeniniń boıynan jabaıy ańdy atyp alǵanyn moıyndady. Ań eti tárkilenip, saraptamaǵa jiberildi. QR Qylmystyq-protsestik kodeksiniń 201-babyna sáıkes ózge aqparat jarııalaýǵa jatpaıdy», - dedi oblystyq PD JPQB tabıǵat qorǵaý tobynyń ınspektory, polıtsııa kapıtany Baǵlan Rymjanov.
Esterińizge sala keteıik, «Shyrsha» jedel aldyn alý is-sharasy Jańa jyl merekesi qarsańynda qylqan japyraqty jas butalardy jappaı kesýdiń aldyn alý jáne ormandy qorǵaý maqsatynda uıymdastyrylýda. Jeltoqsan aıynyń 15-shi juldyzynda bastalǵan arnaıy shara jyl aıaǵyna deıin jalǵasady.
