Almaty oblysynda zańsyz elik atqan brakonerler ustaldy
TALDYQORǴAN. QazAqparat - Almaty oblysynda zańsyz elik atqan brakonerler ustaldy, dep habarlaıdy QazAqparat tilshisi.
Almaty oblystyq Polıtsııa Departamenti baspasóz qyzmetiniń málimetinshe, 14 qarashada Almaty oblysy PD Tabıǵat qorǵaý polıtsııasy Іle-Alataý ulttyq parkiniń Orman sharýashylyǵy ınspektorlarymen birlese otyryp, arnaıy reıd barysynda Túrgen shatqalynda 30, 31, 50 jáne 52 jastaǵy jergilikti turǵyndardy ustady. Zańsyz ań aýlaýdy kásip qylǵandardan tirkelgen oıyq uńǵyly ańshy myltyǵy men elik eti tárkilendi.
Atalǵan derek boıynsha QR Qylmystyq kodeksiniń 337-baby 1-bóligi boıynsha sotqa deıingi tergeý amaldary bastaldy. «BMV» markaly avtokóligi arnaıy turaqqa qoıyldy.
Sotqa deıingi tergeý kezinde is boıynsha tıisti saraptamalar taǵaıyndaldy. Tártip saqshylary memleketke keltirilgen materıaldyq shyǵynnyń somasyn anyqtaýda.
