Almaty oblysynda zańsyz balyq aýlaǵandar ustaldy
TALDYQORǴAN. QazAqparat - Almaty oblysynda zańsyz balyq aýlaǵan azamattar toby ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, tańerteńgi saǵat 09:40 shamasynda Eńbekshiqazaq aýdany aýmaǵyndaǵy Aqtoǵan jáne Shelek kentteriniń arasyndaǵy joldan «Nıssan» markaly avtokóligi toqtatyldy. Kólikte 34 jastaǵy júrgizýshi men 57, 41 jáne 38 jastaǵy úsh jolaýshy bolǵan. Avtokólikti tekserý barysynda olardan lastylary bar gıdrokostıým, sý asty ańyna arnalǵan garpýn – myltyq, sham, rezeńke qaıyq jáne 140 keliden asatyn iri mólsherdegi túrli balyqtar - sazan, aq amýr, jylanbas balyq, kókserke jáne aqtaban tabyldy. Ustalǵan azamattardyń biri óz kinásin moıyndap, aýlaý quraldary onyń menshigi bolyp tabylatyndyǵyn jáne barlyq balyq garpýnnyń kómegimen Qapshaǵaı sý qoımasynan aýlanǵanyn aıtyp berdi.
Atalǵan derek QR QK-niń 335-babynyń 1-bóligi «Aıtarlyqtaı zalal keltire otyryp balyq resýrstaryn zańsyz alý» boıynsha SDTBT-da tirkeldi.
