Almaty oblysynda zańsyz balyq aýlaǵandar anyqtaldy
13 qarashada Eńbekshiqazaq aýdandyq polıtsııa basqarmasynyń qyzmetkerleri Balqash-Alakól oblystyq balyq sharýashylyǵy basseındik ınspektsııasynyń jedel tobymen birlesip reıdtik is-sharalar ótkizgen. Onyń barysynda eki er adam ustaldy. Olar eki rezeńke qaıyqta qoldanýǵa tyıym salynǵan balyq aýlaý quraldarymen balyq aýlaǵan.
Aıta ketý kerek, aýlaý jyl boıy balyq ustaýǵa tyıym salynǵan aımaqta, Іle ózeniniń 120 shaqyrymynda júrgizilgen. Atalǵan fakt QK-tiń 335-baby (Balyq resýrstaryn, basqa da sý janýarlaryn nemese ósimdikterin zańsyz alý) boıynsha Eńbekshiqazaq aýdanynyń PB-da tirkeldi. Memleketke keltirilgen zalal mólsheri aldyn ala eseppen 1 mln 791 myń 855 teńgeni qurady.
Tártip buzýshylardan protsessýaldyq sheshim qabyldanǵanǵa deıin eki rezeńke qaıyq, eki aspaly qaıyq qozǵaltqyshy jáne 300 keli zańsyz aýlanǵan balyq tárkilendi.
