Almaty oblysynda zańsyz alkogol ónimderin shyǵarǵan tseh anyqtaldy
Qarasaı aýdany, Áıteı aýylynyń turǵyny óz úıinde antısanıtarlyq jaǵdaıda araq-sharaptyń tanymal markalaryn bótelkelerge quıyp, iri kólemde saýdaǵa shyǵaryp otyrǵan. Qarjy monıtorıngi Agenttiginiń Almaty oblysy aýmaqtyq departamenti mamandarymen tekserý barysynda 7000 aktsızdik marka, ár túrli alakogol sýsyndarynyń 850 bótelkesi men qaqpaqtar jáne bótelke jabatyn qondyrǵylardy anyqtady. Sondaı-aq quramynda spırti bar suıyqtyq quıylǵan 25 lıtrlik ydystar men basqa da qural-jabdyq tárkilendi.
«Atalǵan fakt boıynsha Qarasaı aýdandyq sot úkimimen QR QK 233 baby, 2-shi bóligi boıynsha eshqaıda ketpeý jáne tıisti minez-qulyq týraly qolhat berilip, taǵaıyndalǵan jazanyń búkil merzimine probatsııalyq baqylaý ornatyldy. Jáne 300 saǵat qoǵamdyq jumys túrinde jaza taǵaıyndalǵan»,- dedi Almaty oblystyq ekonomıkalyq tergeý departamentiniń resmı ókili Aınur Ydyrysova.