Almaty oblysynda əıel polıtseıdiń betin tyrnap, pogonyn julyp aldy
TALDYQORǴAN. QazAqparat - Almaty oblysynda polıtseıdiń betin tyrnap, pogonyn julyp tastaǵan 26 jastaǵy kelinshektiń ústinen qylmystyq is qozǵaldy, dep habarlaıdy QazAqparat tilshisi.
Almaty oblystyq ІІD baspasóz qyzmetiniń məlimetinshe, bul oqıǵa Úshtóbe qalasyndaǵy qonaq úılerdiń birinde bolǵan. Anyqtalǵandaı, bul jerde eki adam aıǵaı-shý kóterip, janyndaǵylardyń mazasyn ketirgen.
Al aıǵaı-shýǵa narazylyq tanytqandar polıtsııa shaqyrǵan. Tərtip saqshylary birden kelip, əıel jəne er adamdy ustady. Olardyń ekeýi de ishimdikke sylqııa toıyp alǵan bolyp shyqty. 26 jastaǵy azamatsha tərtip saqshysyna qarsylyq kórsetip, pogonyn julyp, betin tyrnap, qyzmettik kıimin búldirip tastaǵan.
Polıtseıler eki adamdy aıyqtyrǵyshqa jetkizdi. Eki turǵyn aıyqqannan keıin osy jaıt boıynsha túsinikteme berdi. Qazir tek 26 jastaǵy azamatshanyń ústinen ǵana QR QK 380-babyna sáıkes is qozǵaldy. Sebebi, qyzdyń janyndaǵy er azamat ishimdik ishkenmen, polıtseıge qarsylyq kórsetpegen.
«Al 26 jastaǵy úshtóbelik turǵynnyń buǵan deıin de qylmystyq jaýapkershilikke tartylǵany anyqtaldy. Aldyńǵy shartty túrde kesilgen jazasyn ótep úlgermegen əıeldiń osy jolǵy jazasyn qatańdatý məselesi qarastyrylýda», - deıdi oblystyq ІІD baspasóz qyzmeti.
Tergeý jalǵasýda.
