Almaty oblysynda volonterler sany eki esege artty
Olar kómekke muqtaj jandarǵa járdem kórsetýmen aınalysyp, dezınfektsııalyq jumystarǵa atsalysýda, sol sııaqty qaýyrt jeli baılanys telefonynda jumys isteıdi.
Osyndaı jumystardy belsene atqaryp júrgen «Jetisý eriktileri» uıymynyń múshesi, oblystyq «Meıirimdi Jetisý» front-keńsesiniń úılestirýshisi Jansaıa Smaǵulovaǵa oblys ákimi Amandyq Batalov Prezıdenttiń Alǵys hatyn tapsyrdy.
Jalpy, búgingi kúni oblysta 2033 volonter jas tirkelgen. Óńir eriktileriniń atsalysýymen 50 myń medıtsınalyq maska tigilip, taratyldy.
Áleýmettik jaǵdaıy tómen, az qamtylǵan jáne kóp balaly otbasylar men jalǵyzbasty analarǵa, jalpy 10 myń otbasyna áleýmettik kómek kórsetilip, azyq-túlikpen qamtamasyz etildi. Sol sııaqty volonterlar jalǵyzbasty qarııalardyń úılerine tazalyq jumystaryn júrgizedi.
