Almaty oblysynda vandalızm boıynsha kúdiktelgen kámelettik jasqa tolmaǵan úsh jasóspirim ustaldy
TALDYQORǴAN. 7 jeltoqsan. QazAqparat - Kerbulaq aýdandyq ishki ister bólimine Saryózek aýylyndaǵy zıratta bolǵan vandalızm faktisi jaıly habarlama kelip túsken. Belgisiz bireýler 40-45 eskertkish pen jerlengen oryndardy qıratyp ketken.
Jedel sharalardyń barysynda tártip saqshylary jergilikti jalpy bilim beretin mekteptiń úsh oqýshysyn ustady. Jasóspirimder zırat jaqtan qaıtqan maldy kútip júrip, fýtbol oınaýdy jón kórgen, keıin oıyn qyzyǵyna batyp, zırattyń oıran-topyryn shyǵarǵan.
Jasóspirimderdiń bul áreketinen kelgen zalal mólsheri anyqtalǵan joq. Kerbulaq aýdandyq ishki ister bóliminde qylmystyq is qozǵaldy. Kúdiktiler eshqaıda ketpeý týraly qolhatpen bosatyldy.
