Almaty oblysynda vaktsınatsııalaýdyń ekinshi kezeńi bastaldy
TALDYQORǴAN. QazAqparat- Almaty oblysynda vaktsınatsııalaýdyń ekinshi kezeńi bastaldy,- dep habarlaıdy QazAqparat tilshisi.
Almaty oblysynda koronavırýsqa qarsy vaktsınatsııalaýdyń kelesi satysy bastaldy. Óńirge Spýtnık V vaktsınasy ekinshi komponentiniń 1450 dozasy ákelindi. 26 emdeý mekemesinde 29 egý kabıneti jumys istep jatyr.
Bıyl oblysqa barlyǵy 150 myń doza vaktsına ákelý kózdelgen. Shalǵaı eldi meken turǵyndaryn vaktsınatsııalaýǵa arnalǵan 12 jyljymaly brıgada jasaqtaldy.
Sondaı aq 500 ge jýyq medıtsına qyzmetkeri arnaıy oqytylyp, attestatsııalandy. Jalpy Almaty oblysy boıynsha 11 myńnan astam aq halattylar vaktsınatsııalaýǵa jatady.
«Birneshe ózimizdiń áriptesterden qan analızderin aldyq. Tıtr óte joǵary búgingi tańda. Sol sebepten bizdiń halqymyzǵa, turǵyndarymyzǵa aıtarymyz, vaktsınany qabyldaýymyz kerek», - dedi Almaty oblystyq Densaýlyq saqtaý basqarmasynyń basshysy Ómirzaq Nııazbekov.
