Almaty oblysynda vaktsına saldyrýǵa kelgen er adam dárigerdi urǵan
TALDYQORǴAN.QazAqparat - Almaty oblysynda vaktsına saldyrýǵa kelgen er adam dárigerdi uryp, tunshyqtyrǵan, - dep habarlaıdy QazAqparat tilshisi.
Oblystyq densaýlyq saqtaý basqarmasy baspasóz qyzmetiniń málimetinshe, 21 mamyr kúni Eskeldi aýdandyq ortalyq aýrýhanasynyń emhanasynda qabyldaý júrgizgen dárigerge shabýyl jasaldy. «Vaktsına saldyrýǵa kelgen patsıentke túsindirý jumystaryn júrgizý barysynda patsıent dárigerge dórekilik tanytqan. Dáriger medıtsınalyq uıymda patsıentke ózin durys ustaýdy eskertken. Alaıda eskertýge qaramastan patsıent dárigerge shabýyl jasap, basynan uryp, tunshyqtyra bastaǵan. Dárigerdiń beti pen moınynan birneshe ret urǵan. Qazir dáriger bas mıynyń shaıqalýy dıagnozymen ambýlatorııalyq em qabyldaýda. Oqıǵaǵa qatysty dáriger Eskeldi aýdandyq ishki ister bólimine aryz jazdy»,- dedi Almaty oblystyq Densaýlyq saqtaý basqarmasy baspasóz qyzmetiniń ókili Láılim Áýbákirova.
