Almaty oblysynda ujymdyq merekelerdi qandaı jaǵdaıda ótkizýge bolatyny anyqtaldy

TALDYQORǴAN. QazAqparat - Almaty oblysynda ujym bolyp merekelik sharalardy uıymdastyrýǵa qandaı shekteý qoıylatyny belgili boldy, - dep habarlaıdy QazAqparat tilshisi.

Almaty oblysynyń bas memlekettik sanıtarııalyq dárigeri Erǵalı Sydymanovtyń aıtýynsha,

«ASHYQ» jobasyna qatysatyn nysandar úshin saltanatty, estelik, otbasylyq jáne basqa da buqaralyq is-sharalardy ótkizýge tómendegideı jaǵdaılarda ruqsat etiledi:

- qyzmetkerler men kelýshilerdiń qaýipsiz «jasyl» mártebesi bolǵan kezde;

- (oblys jasyl aımaqta ornalassa) 100 orynnan artyq emes jáne 50% - ǵa deıin tolymdylyq kezde;

- 2021 jylǵy 2 qyrkúıektegi №38 QR BMSD qaýlysyna qoıylatyn algorıtmderde kórsetilgen sanıtarııalyq-epıdemıologııalyq talaptardyń saqtalýyn qamtamasyz etýge mindetti (temperatýrany ólsheý, personalǵa nusqama berý, jeke qorǵaný quraldaryn ýaqtyly aýystyrý, dezınfektsııalaý, jýý jáne antıseptıkalyq quraldardyń qajetti qoryn qadaǵalaý, nusqama júrgizý jýrnalyn toltyrý, maskalardy, respıratorlardy, sýlyqtardy, jabdyqtardy óńdeý, úı-jaılardy jınaý);

- kelýshiler arasynda keminde 2 metr qashyqtyqty saqtaı otyryp, oryndyqtardyń arasyndaǵy qashyqtyq keminde 2 metr jáne 60 santımetr bolýy tıis;

- Úı-jaıda qatań maskalyq jáne dezınfektsııalyq rejımdi qamtamasyz etý;

Al «ASHYQ» jobasyna qatyspaıtyn nysandar úshin saltanatty, estelik, otbasylyq jáne basqa da buqaralyq is-sharalardy ótkizýge tyıym salynady!

«Sondaı-aq, mektepterde, kolledjderde, JOO-da, balabaqshalar men jataqhanalarda jańa jyldy merekeleýge baılanysty jalpy buqaralyq is-sharalardy ótkizýge tyıym salynady. Mektepterde jańa jyldyq is – sharalardy «bir synyp-bir kabınet» qaǵıdatyn saqtaı otyryp ótkizýge bolady»,- dedi Erǵalı Sydymanov.